SEO Birdlife ornitologia elkarteak lehiaketa egin du, eta hegaztien milaka argazki bildu ditu; horien artean ikusgarrienak paratu dituzte Gasteizko Olarizuko etxaldean. Hezeguneetako hegaztiak dira guztiak, eta euren habitatean ikus daitezke, 30 argazkiren bitartez.
Bigarren aldiz antolatu dute, eta munduko 200 argazkilarik baino gehiagok hartu dute parte, profesional eta zaletu. Hezeguneen natura aberastasunaren balioa eta «horiek zaintzeko premia» nabarmendu nahi izan dute antolatzaileek aurten. Apirilaren 25era arte izango dira argazkiak Gasteizen.
Ornitologiarekin jarraituta, bestalde, hegaztiei eraztunak jartzeko ikastaroa izango da larunbatean eta igandean Aranzadiko bulegoan. Lehendabizi, hitzaldia izango da eraztunketaz eta teknikez. Ondoren, ibilaldiarekin, hegaztiak gobernatzeko eta harrapatzeko metodoetan trebatuko dituzte partaideak.
ARGAZKI ERAKUSKETA
Noiz. Apirilaren 25era arte.
Non. Olarizuko etxaldean, Gasteizen.
ASTEBURUKO PROPOSAMENAK. Hegaztien argazkirik ikusgarrienak, Olarizun
Gasteiz.
Iruzkinak
Ez dago iruzkinik
Ordenatu
