ASTEBURUKO PROPOSAMENAK. Tolosako Mikologia Jardunaldiak hasi dira

TOLOSA. Mikologia Jardunaldiak egiten ari dira Tolosan. Herenegun hasi ziren, eta larunbata bitartean izango dira. Tolosako Casino Elkarteak antolatu du ekimena. Hitzaldi gastronomikoekin eman zioten hasiera. Gaur Mikologiari buruzko hitzaldia egingo du Pedro Pasabanek. Bihar, aldiz, perretxikoak biltzera joateko irteera prestatu dute, eta larunbaterako sukaldariei buruzko erakusketa.