ASTEBURUKO PROPOSAMENAK. Usategien inguruko festa Etxalarren

ETXALAR. Usategiak. Horiek izango dira asteburu honetan Etxalarren (Nafarroa) ospatuko den Usategien Egunaren gune nagusiak. Larunbatean eta igandean joango dira herritarrak usategietara. Igandekoa izango da egun handia, halere. Goizean usategietara egindako bueltaren ondoren, herrira itzultzean, musika izango baita plazan, giroa alaitu eta ongi pasatzeko.