Bigarren urtez, Bago!az talentu lehiaketa abiatuko du ETB1ek bihar gauean. Iaz bezala, Zurine Hidalgo abeslariak aurkeztuko du saioa, eta asteazkenetan emango badute ere, ostiraletan berriz ikusteko aukera egongo da, bi kasuetan, 22:30ean.
32 lehiakiderekin abiatuko dute dema, beraz, iazko 16 lehiakiderekin baino lan doble izango dute trebatzaileek.
Hiru fase izango ditu lehiaketak. Horietako guztietan aholkulariek lehiakideekin batera abestuko dute. Ondoren, epaile lanak egingo dituzten trebatzaile horiek aukeratuko dituzte hurrengo fasera pasatuko direnak. Lehen faseko 32 lehiakideetatik, 16 bakarrik pasatuko dira bigarren fasera. Hirugarren fasera zortzi besterik ez, baina apurkago joango dira bidean geratzen: atal bakoitzean bakarra joango da kalera. Finalera hiru lehiakide iritsiko dira, eta hiruren artean lehiatuko dira, Go!azen telesaileko hurrengo denboraldian aktore izateko.
