Bahiketa baten inguruko 'reality' bat prestatzen

TELEBISTA. Risto Mejideren Pulso TV ekoiztetxea bahiketa batean oinarrituriko reality bat prestatzen ari da. Lehiakideak onartu egingo du bahitua izatea, 200.000 euro irabazteko helburuarekin. Bahitzaileek lau egunez ezkutuan izango dute biktima, eta hainbat proba eginaraziko dizkiote, baita haren familiari ere. Oker egiten duen bakoitzean, diruaren puska bat kenduko diote. Cannesen aurkeztuko dute datorren astean.