Josef Etxagarai Goizuetako Berdabio baserriko errenteroa diru faltsua egiteagatik 1747an atxilotu zuten, beste hiru lagunekin batera, Goizuetan Trabuko esaten zioten batek salatu ostean. Delitu hori Iruñeko kartzelan ordaindu zuen, eta bertan, urtebetean zehar, hirurehun eta hirurogeita bost bertso moldatu zituen, egun bakoitzeko bertso bat. Horietatik lehen bostak, 1933an argitaratutako Anuario de Eusko-Folklore XIII. liburuko 75-76. orrialdeetan jasota daude. Bertsoetako batzuk Mikel Laboak musika jarri eta oso ezagunak egin ziren. Hona hemen bertso bat:
Berdabiyo'ren xaldiyak
Lau ankak ditu txuriyak
Salto batian irago zuen
Zazpi estatuko esiya;
Beste bat igaro balu,
Seguru zuen biziya.
Berdabio baserriko errenteroaren bertsoak
Iruzkinak
Ez dago iruzkinik
Ordenatu
