Berdela ezagutuko dute eskolako gaztetxoek

GETARIA. Gaztetxoei berdela ezagutarazteko asmoz, hainbat ekimen egingo dituzte bihar Getarian (Gipuzkoa). Goizean, Iturzaeta herri eskolan bi arrantzale ohi izango dituzte gonbidatu, haien esperientziak kontatzeko. Getariako ostalariak ere joango dira, bazkalordurako berdela prestatzera. Egun osoan, herriko tabernetan berdela eta txakolina izango dituzte dastatzeko, bi euroren truke.