'Berria.info'-k blogari berri bat du: Jon Eskisabel

INTERNET.Berria.info-ren blog komunitateak beste blogari bat du: Jon Eskisabel kazetaria. Kultur produkzioari buruz ariko da BERRIAko kide ohia, Ilaran blogean. «Ohiko irakurlea konturatuko zen inoiz: norbere gustuak bizi gaitu kazetariok ere, eta sorkuntza berrien zain egoten gara irrikaz, bere egile kutunekin berriz topo egitea espero duen edozein zaleren modu berean. Ezeren aurretik horixe baikara, zaleak. Informatuagoak akaso, baina zaleak. Edo hala uste dut», dio hark. Zalearena izenburuko artikulua izan da Eskisabelen aurrena.