Bigarren Kliklap bideo lehiaketa, abian

Bigarren urtez, Aldudarrak Bideok Festiduri jaialdia antolatu du. Hiru egunez, irailaren 30etik urriaren 2ra, ikus-entzunezko hainbat lan proiektatuko dituzte Arrosa herrian. Eta horri begira, Kliklap bideo lehiaketa abian ezarri dute. Aurten lehen aldiz, bideoak aurkezteaz gain, Arrosako elkartearen laguntzaz filmatua izan den gidoia aurkezteko aukera dago. Bi sail proposatu dituzte, gai bakar batekin: «Euskal...». Lehen saila bideo filmaketari dagokio: erreportaria, fikzioa, bideo musikala... Bigarren sailean, bestalde, gidoi idazkera izanen da saritua.