Udazkena Blues jaialdiak bere azken emanaldia eskainiko du gaur Burlatan (Nafarroa). Lauzpabost talde pasa dira dagoeneko Euskal Herria lagunarteko egoitzatik, Rojillos Blues Band eta The Papa's Red Band, esaterako. Gaur, Guitar not-so Slim eta Bill Lyerlyren txanda izango da, 22:30etik aurrera.
Guitar Slim gitarristaren omenez sortu zen Guitar not-so Slim taldea. Troy Nahumko abeslari eta gitarristak gidatzen du taldea, Moi Martin baxu-jotzailea eta Jose Luis Naranjo bateria-jotzailea dituela lagun. Nahumko Kanadan jaio zen, baina AEBetan hezi da musikalki. Blues tradizionalaren Biblia bezala ikusten dute askok: urtean 300 kontzertu ematen zituzten biretan parte hartu du, zenbait artistekin elkarlanean.
Blues klasikoa da Guitar not-so Slim taldeak jorratzen duen estiloa, eta hainbat talde erreferentziatzat hartuta osatzen dute euren abestien bilduma; Magic Sam, Kim Wilson eta Junior Watson, adibidez.
Bill Lyerly AEBetan jaio zen; orain, Euskal Herrian bizi da. Blues rock & roller moduan definitzen dute, eta bederatzi disko kaleratu ditu; azkena, Too Hurt to Cry. R.E.M, Paul Rodgers, Gregg Allman eta John Mayall izan ditu lagun taula gainean, beste zenbaiten artean.
GUITAR NOT-SO SLIMETA BILL LYERLY
Noiz. Gaur, 22:30ean.
Non. Burlatan (Nafarroa), Euskal Herria lagunarteko egoitzan.
Bluesak Udazkena agurtuko du
Guitar Not-so Slim taldeak eta Bill Lyerlyk kontzertua emango dute gaur Burlatan, 22:30ean
Iruzkinak
Ez dago iruzkinik
Ordenatu
