Bonbardatutako herrietan bizikletaz, artea egiteko

GERNIKA. Roland Ruisz eta Achim Heinkel artistek Gernika eta bonbardatutako herri batzuk bizikletaz bisitatuko dituzte bihartik 16ra bitartean, Ciclista Gernikesa eta Gernika Gogoratuz elkarteek lagunduta. Helburua bizipenak arte bihurtzea da: Ruisz margolaria da; Heinkel, zilargina. Lanak irailetik aurrera salgai jarriko dituzte Gernika eta inguruetan. Irabaziak Gernika Gogoratuz elkartearentzat izango dira.