BUESA ARENAK SABAI BERRIA DU JADA

Lau ordu iraun zuten atzo Buesa Arenaren estalki berria jartzeko lanek. Maniobra luze eta konplexu baten ostean lortu zuten 220 tonako sabaia jartzea. Estalki berriak 120 metroko luzera eta 60 metroko zabalera du. Uztailaren 18an eraikinaren kupula lekuz aldatzeko erabili zuten garabi bera—Liebherr 2.350— erabili dute orain ere. Haizearen eta euriaren arriskuak maniobra atzeratzea behartu zuen. Atzo, azkenean, lortu zuten Buesa Arena estaltzea.