Burdina eta gasolinazko txoriak Bilboko zeruan

Ikusteko moduko hegaldiak eskaini zituzten Maikel Malero eta Pedro Moreno moto gidariek igandean Abandoibarrako pergolatan. Pentsa ezinezko jauziak, eta beldurtzerainoko lurreratzeak eskaini zituzten bi gidariek. Bertara inguratu zen jendetzak zur eta lur begiratzen zuen zerura, txoriak ikusi beharrean gasolinak mugiarazitako mototzarrak ikusten baitzituzten.