CNN kateak Ana Pastor kazetaria fitxatu du elkarrizketak egiteko

Azkeneko urteetan La1 kateko Los desayunos de TVE saioa aurkeztu ostean, RTVEko zuzendaritzak kargu horretatik kendu zuen Ana Pastor kazetaria. Beste saio bat gidatzea eskaini zioten, baina Pastorrek ezezkoa eman zuen. Orain CNNk fitxatu du kazetaria, CNN International eta CNN en Español kateetan elkarrizketak egiteko. Talde bereko webguneetan ere parte hartuko du kazetari espainiarrak.

Pastorrek adierazi du oso pozik dagoela mundu mailako kazetaritzaren «ontzi garrantzitsu» batera igotzeagatik. «CNN hainbat belaunalditan profesionaltasun, jarraikitasun eta fedearen adibide izan da, informazioaren boterean eta demokrazian sinistuz».

Cynthia Huston CNN en Español kateko zuzendariak, berriz, esan du aukera handia dela haientzat Pastorrekin aritzea, eta marka sendotzeko aukera emango diela.