David Lama gazteak Maestriren bidea librean eskalatu du

2009an iragarri zuen estreinakoz David Lamak Cerro Torreko konpresorearen bidea estilo librean eskalatzeko nahia, baina 2010eko lehenengo ekinaldiak leku txarrean utzi zuen eskalatzailea: Red Bull etxeak babestuta eta eskalada grabatzeko ekipoa hartuta abiatu zen hara, eta mendian grabaketa taldea egokitzeko parabolt gehiago sartu zituzten. Ika-mika handia, beste behin. Krukek eta Kennedyk hormatik iltzeak kendu eta bi egunera eskalatu du Lamak orain Cerro Torreko hego-mendebaldeko bidea, estilo librean. Jaso zituen kritiketatik ikasi duela esan du austriar gazteak. Torreko erronka handienetakoa osatu du.