DENEN ARTEAN, AZKARRAGO

Lezamako trenbide zaharra bide berde gisa egokitzeko asmoz, duela bi urte hasi ziren Txorierriko bizikletariak lanean. Proiektuaren berri eman zieten eskumena duten instituzioei, baina erantzunik heltzen ez zela ikusirik, eurek antolatu dute Desbrozadora Eguna, tunelak Sondikan duen sarrera garbitzeko. Antolatzaileen ustez, bide berdea aukera bikaina litzateke Donejakue iparraldeko ibilbidetik bizikletaz egin nahi dutenentzat, egungo bide maldatsuaren ordez.