Dinosauroen galeraren inguruko datu berriak

WISE zundaren azken datuek zalantzan jarri dute Baptistina asteroideak zerikusia izan zuela dinosauroen galeran, duela 65 milioi urte. Orain arte Baptistina familiako asteroide batekin lotzen zuen NASAk gertatutako talka handia. WISE zundaren kalkuluen arabera, asteroide mota horretakoa ezin zen izan Lurraren aurka jo zuena. 120.000 asteroide aztertu dituzte adituek zundaren datuak baliatuz, eta emaitzak «argiak» dira. Beraz, zabalik da oraindik Lurraren aurka jo zuen asteroidearen misterioa.