ZINEMA. Izen handi ugari bildu dituzte Veneziako 79. Zinemaldiaren programazioan. Guztira, 23 film luze hautatu dituzte Sail Ofizialean Urrezko Lehoia lortzeko lehian aritzeko. Eta horien artean dira, besteak beste, Andrew Dominiken eta Alejandro Gonzalez Iñarrituren film berriak; batak Blonde erakutsiko du, eta besteak, Bardo (o falsa crónica de unas cuantas verdades).
Zerrenda luze horretako beste lan batzuk dira Darren Aronofskyren The Whale; Alice Diopen Saint Omer; Luca Guadagninoren Bones & All; Joanna Hoggen The Eternal Daughter; Martin McDonaghen The Banshees of Inisherin; Santiago Mitreren Argentina, 1985; Jafar Panahiren Khers nist (No Bears); eta Frederick Wisemanen Un couple.
Zinemaldia abuztuaren 31tik irailaren 10era egingo dute. Noah Baumbachen White Noise filmak irekiko du jaialdia, eta lehian izango da hori ere.
Dominik, Iñarritu eta Hogg, Urrezko Lehoiaren lehian
Iruzkinak
Ez dago iruzkinik
Ordenatu