Donostia-Hondarribia lasterketa igandean

MENDI LASTERKETAK. Bigarren urtez antolatu du Fortuna elkarteak Donostia eta Hondarribia lotzen dituen lasterketa. Gros auzotik irten (09:30) eta Ulia eta Jaizkibel mendiguneak zeharkatuko dituzte 500 lasterkarik, Hondarribian helmugaratzeko: 31 kilometro pasatxo guztira. Lasterketaren leloak dioen gisan, itsasoaren gainetik egingo dute korrika, Talaia bidetik. Pasai San Pedrotik Pasai Donibanera ontzietan pasatuko dituzte lasterkariak.