PIROFANTASIA SU ETXEA
•Herrialdea. Valentzia, Herrialde Katalanak.•Eguna. Asteazkena, 15.
Pirofantasia su etxearen emanaldiak gustura utzi zituen donostiarrak. Lehen egunetako suak espero baino kaskarragoak izan ziren, baina asteazkenekoek hautsi zuten hori, Valentziako su etxeen ospe onari jarraipena emanez. Ederki asmatu zuten erritmoa, zarata, irudiak eta koloreak uztartzen. Suak desagertzera zihoazela zirudienean, berriz piztu egiten ziren bat-batean. Ikusleei ezustekoa ematea lortu zuten hala, ezusteko pozgarria.
GAUR ZEIN
•Izena. Caballer FX.•Herrialdea. Valentzia, Herrialde Katalanak.
•Berezitasuna. Mari Jose Lorak darama Caballer FX su etxea, Caballer familiako bosgarren belaunaldiak. Tradizio luzeko su etxea da, hortaz. Efektu bereziengatik eta koloreengatik dira ezagunak su etxe honen emanaldiak. Joaten diren leku bakoitzean, Valentziaren esentzia islatzen saiatzen dira. Behin baino gehiagotan irabazi dute Donostian—iaz, besteak beste—, eta aurten ere ikuskizun ona ematea espero da.
