Nafarroaren Egunak eta Aberri Egunak bat egingo dute gaur Baigorrin (Nafarroa Beherea). Basaizea elkarteak antolatzen du Nafarroaren Eguna, eta, horren harira, askotariko ekitaldiak izango dira herriko plaza nagusian eta inguruko kaleetan.
11:00etan kabalkada irtengo da. Baigorri, Burlata eta Amikuzeko erraldoiak, Otsagabiako dantzariak, joaldunak, gaiteroak, Uztaritzeko txaranga, txistulariak eta trikitilariak arduratuko dira herria girotzeaz. Eguerdi partean larrain dantza egingo dute. Bazkaldu aurretik, 14:00 aldera, Gaztain errekan, Nahixan taldeak joko du. Plaza nagusian, berriz, Bidaia taldea ariko da 15:00etan. Odu berean, Joseba Tapia elizako parkean izango da. 16:00etan, Gaztain errekan, Xutik taldea ariko da; eta ordu berean, Xokoan, Txamp's.
Dantza ikusgarria plazan hasiko da, 17:00etan, Beasaingo eta Larraineko taldeekin.
18:00etan, Gaztain errekan, Kiki Bordatxo ariko da; eta ordu berean, Xokoan, Itziarren Semeak.
19:00etan, larrain dantza eta jauziak izango dira, Ezpeleta txarangaren laguntzarekin, enparantza nagusian.
Laket taldeak joko du Xokoan 20:00etan. Handik ordubetera, Holako taldea ariko da plaza nagusian. Festa amaitzeko, Harakinikia taldeak joko du herriko aparkalekuan 23:00 aldera.
NAFARROAREN EGUNA
Baigorrin. Gaur, 11:00etatik gauerdira.
Egitarau oparoa Baigorrin
Nafarroaren Egunean erraldoiak, joaldunak, dantzariak, gaiteroak, trikitilariak eta musikariak izango dira
Iruzkinak
Ez dago iruzkinik
Ordenatu
