EGUN EDERRA, INGURU PAREGABEAN

Jai ederra egin zuten atzo Artikutza parkean, egun osokoa. San Agustin jaia ospatzeko, egitarau zabala prestatu zuten. Meza entzunez hasi zuten eguna, 11:00etan. Bazkalostean, berriz, Mañukorta eta Irazu bertsolariek alaitu zuten giroa. Herri kirolak ere izan ziren: aizkolariak eta harri jasotzaileak. Eguna amaitzeko, berriz, dantzaldia izan zuten. Gainera, bi taberna jarri zituzten jendeak jatekoa eta edatekoa hantxe erosteko. Egun ederra, hortaz, inguru paregabean.