'El árbitro' dokumentala erosi du Espn kateak

Orio Produkzioak Gipuzkoako ekoizpen etxearen El árbitro dokumentala Espn kateak erosi du. Munduan kirol kate garrantzitsuenetakoa da Espn, eta Cannesko MipTV azokan jarri ziren kateko arduradunak Oriokoekin harremanetan. «Han egin genuen lehen kontaktua. Lana horrelako kate bati saldu izana oso garrantzitsua da guretzat orain», azaldu du Unai Ibarbia Orioko arduradunak. Espn kateak Europan, Afrikan, Latinoamerikan eta Ekialde Hurbilean emitituko du El árbitro. Lanak «futbolaren egia» epaile baten ikuspegitik kontatzen du: partida aurreko prestaketa, jokalariekin dituen harremanak eta uneko tentsioa ageri dira.