4 pertsonarentzako osagaiak:
2 tomate eder
400 gr hegaluze (garbia), mendrezka ahal bada
Dozena erdi Tuterako kukulu
Eskutada bat ziazerba
8 koilarakada oliba olio birjin
Sagardo eta Modenako ozpinak
Gatza
Tuterako kukuluak hegaluze, ziazerba eta tomate ozpin-olioarekin
Lehenengo pausoan ozpin-olioarekin hasiko gara. Tomateak garbitu, eta karratu txikietan moztu. Ontzi batean jarri, eta bertara sagardo ozpin eta Modenako ozpin koilarakada bana bota, 8 koilarakada oliba olio eta gatz pitin batekin batera. Ondo-ondo nahastu.Ondoren, urez beteriko lapiko bat sutan irakiten jarri, eta hegaluzea -hezur eta azalik gabe-, xafla finetan moztuta, uretan murgildu, eta minutu pare batez egosi. Denbora ondo zaindu, bestela hegaluzea gehiegi lehortuko zaigu eta. Ondoren, erretilu batera atera.
Kukulu bakoitza lau pusketatan zatitu, eta entsaladentzako erretilu polit batean ipini txukun-txukun. Gatz pitin bat bota, eta egosi berri ditugun hegaluze xaflak gainean ipini. Ondoren, ziazerba hostoak -gordinak, eta ahalik-eta hosto xamur eta txikienak aukeratuta- erretiluan zehar banatu, eta, bukatzeko, tomate ozpin-olioarekin dena ongi busti, norberaren gustura.
On dagizuela!!
