1822an jaio zen Tubman, esklabo, eta ehunka laguni esklabotzatik askatzen lagundu zien. Gainera, emakumeen boto eskubidearen alde borrokatu zen. Moises beltza ezizenez ezagun, 1913an hil zen. Lehen aldia izango da emakume bat eta beltz bat dolarretako dirupaperean agertuko dela.
Urteak zeramatzaten emakume bat billeteetan ager zedin eskatzen. 1929az geroztik ez dute aldaketarik egin AEBetako diruan, eta Women on 20's plataformak sustatu du aldaketa.
Galdeketa egin zuten sarean, diru papera noren aurpegiarekin inprimatu erabakitzeko. Hamabost hautagai baino gehiago zeuden: Rosa Parks, Eleanor Roosevelt, Betty Friedan, Patsy Mink, Frances Perkins… Tubman, Roosevelt eta Parks izan ziren hiru finalistak.
