Enbrioien zelula amak patentatzea, debekaturik

Giza enbrioietatik eratorritako zelula amak Europan patentatzeko debekua ebatzi du Europako Batasuneko Justizia Auzitegiak, baita ikerketa zientifikorako badira ere. «Giza duintasunaren izenean» hartu du erabakia. Zientzialari gehienek etsigarritzat jo dute erabakia, ikerlarien lanaren kontrako erasotzat. Luxenburgoko auzitegiaren arabera, obulu bat enbrioitzat jo daiteke «ernaltzen den unetik». Epaiak dioenez, ernaldu bako obulu bat ere enbrioitzat jo daiteke, «zientifikoki manipulatu badute prest egon dadin gizaki baten garapen prozesua eragiteko».