Entzierroaren eskulturako zezenak adarkatuta

IRUÑEA. Entzierroaren eskultura bisitatzen ari zela egin zuen irrist, eta metalezko zezenaren adarren gainera erori zen gazte bat herenegun Iruñean. Eskulturak adarkaturik eraman zuten ospitalera, hankan zauri bat zuela. Beste gazte bat ere bazegoen harekin, eta ospitalera eraman behar izan zuten hura ere, lagunaren zauria ikustean kordea galdu eta lurraren aurka kolpea hartu zuelako. Zauri arinak zituzten biek.