Espainiako erregearen mezua hirugarren urtez emango du ETB2k

Espainiako kate nagusi guztiek bezala, ETB2k Juan Carlos I.a Francok Espainiako errege izendatutakoaren Gabonetako mezua emango du. Hirugarren urtea daemanaldi hori egiten duela. 2009an eman zuen ETBk aurrenekoz mezu hori; Araban, Bizkaian eta Gipuzkoan %24,4ko ikusle kuota izan zuen (100.000 ikus-entzule). Iazko emanaldiak, berriz, %11,3ko kuota izan zuen (56.000 ikus-entzule). 2008. urtean, ETB2k ez zuen eman erregearen mezua, eta ordu berean eskainitako albistegiak %35,5eko kuota izan zuen.