CIESen urteko lehen neurketaren arabera, Euskadi Irratiak 124.000 entzule ditu, abenduan baino 18.000 gutxiago. Nahiz eta sei hilabeteotan datuetan jaitsiera bat egon den, datu ona da euskarazko irrati publikoarentzat.
Gaztearekin bat 89.000 entzulek egiten dute egunero. Radio Euskadik, berriz, 181.000 entzule ditu. EITB Musikak 25.000 entzule ditu, eta Radio Vitoriak, 22.000.
EITBko irrati guztiak batuz gero, 441.000 herritarrek entzuten dituzte taldeko irratiak Hego Euskal Herrian, astegunetan.