Euskal Filmak zikloa antolatu dute irailerako

BERGARA. Zine Klubak eta Jardun euskara elkarteak Euskal Filmak zikloa antolatu dute irailerako. Asteazkenetan izango dira emanaldiak, Zabalotegi aretoan, 20:00etan. Irailaren 12an, Gartxot filma emango dute; irailaren 19an, Gazta zati bat lana, eta emanaldiaren ondoren, Jon Maia zuzendariarekin, solasaldia egingo dute. Hirugarren eta azken filma Sua izango da, urriaren 3an.