EUSKARAREN ALDEKO KARAOKEA

Azkue fundazioak antolatuta, euskararen aldeko karaokea egin zuten atzo Donostiako Bulebarrean eta Bilboko Areatzan. Guztiek Guk euskaraz abestiaren bertsio bat kantatu zuten. Joxe Felipe Auzmendi eta Urko abeslaria —kantuaren egilea— izan ziren Donostian dinamizatzaileak, eta Bilbon, berriz, Joseina Etxeberria eta Etxe abeslaria. Bi hirietan grabatutako bideoak Xaramela.net webgunean jarriko dituzte, parte hartu dutenek ikus ditzaten.