Felix Baltistan Fundazioaren ibilaldia

MENDI MARTXAK. Hamar urte bete ditu Felix Baltistan Fundazioak, eta ospakizunen harira, mendi martxa bat antolatu dute urriaren 15erako. Abadiñoko Mendiola auzotik abiatuko dira ibiltariak, eta mendi martxari goiburua ere jarri diote: 10 urte elkartasunean mendia bide. Mendi martxaren bidez, elkartea babestu eta bultzatu duten lagunak elkartu eta guztiei esker ona agertu nahi diete fundazioko kideek, eta Atxarte inguruko parajeak baliatuko dituzte horretarako. Izen-emateak eta argibideak: www.felix-baltistan.org.