Fermin Iraolaren omenezko rock jaialdia

BERA. Gitarra jotzailea eta irakaslea zen Fermin Iraola (Bera, 1968-2010), eta musikazale amorratua. Haren omenezko rock jaialdia prestatu dute larunbaterako, Berako Kaxerna gaztetxean, 20:00etan. Petti ta Mugaldekoak, The Sexty Sexers, Joseba Irazoki, Borrokan, Noise Hole eta beste hainbat musikari eta talde elkartuko dira emanaldi berezi honetan.