Galiziako Ikus-entzunezko Lege berria onartu dute

IRRATI-TELEBISTA. Ikus-entzunezko Lege berria onartu zuen atzo Galiziako Parlamentuak, PP eta PSGren aldeko botoekin; BNGk kontra bozkatu zuen. CRTVG korporazio bilakatuko da hala. Eta hemendik aurrera, CRTVGko zuzendari nagusia hautatzeko, parlamentuaren bi hereneko gehiengoa beharko da; bigarren bozketan hiru bosteneko gehiengoa nahikoa litzateke. Administrazio kontseiluko kideak hamabitik seira pasatuko dira, eta ezingo dute kargu politiko edo sindikalik izan. Parlamentuaren kanpoan, langile batzuek protesta egin zuten, CRTVG «zerbitzu publiko gisa» eskatzeko. Lege berria langile guztientzat txarra izango dela salatu zuten.