Garbiketarako ontziek 50 marmoka atera dituzte

DONOSTIA. Marmoken aurkako prebentzio sistema osatzen duten hiru ontziek karabela portugesa deritzen 50 ale harrapatu zituzten atzo. Udalak adierazi duenez, herenegun dozena erdi ziztada arin izan ziren Zurriolako hondartzan. Tamaina txikiko aleak izaki, kaltetutako igerilariak hondartzan bertan artatu zituzten. Udaleko Hondartza Sailak prebentzio sistemari eutsiko dio.