Gaur ospatuko dute 'Iparragirre Kantuz'

URRETXU. Jose Maria Iparragirre ekarriko dute gogora gaur hainbat kantu taldek, Urretxu eta Zumarragako kaleetan. Beste herri batzuetatik ere joandako kantu taldeak ere izango dira bertan, eta haiei ongietorria eginez hasiko dute eguna, 11:00etan. Omenduaren etxean bertso saioa egiteaz gain, kantuzaleen bazkariak eta dantza gidatuek osatuko dute gaurko egitaraua.