Gaztesarearen 'Irauli uhinak' gaur itzuliko da

Denboraldi berria hasiko du gaur Gaztesarearen Irauli uhinak irratsaioak, eta hemendik aurrera Oiartzun Irratian grabatuko dute Bilboko Tas-Tasen egin beharrean. Astearteetan egingo dute programa, 17:00etan, eta Oiartzun Irratiak zuzenean emango du. Ondoren, Arrosa sarearen bidez, hamaika irratik emitituko dute.

«Umoreak tarte gehiago izango du denboraldi honetan, eta hedabide handietako astakeriak azaleratuko ditugu», azaldu du Gaztesareako Jon Telleriak. Asteari «errepaso poetikoa» egiteko asmoz, bestalde, bertso kronika egingo dute astero bertsolari gazteek.

Aurten leiho berri bat ireki nahi dute komunikazio proiektu gazteentzat. «Erreportaje txikiak egingo dituzte proiektu horietako kideek». Saioa www.irauli.gaztesarea.net gunean ere entzun daiteke.