GERIZPEAN. Gorputz erraldoiaren barrualdera bidaia

GASTEIZ. Gizakiaren gorputza barrutik ezagutu, eta nola lan egiten duen ikasteko, Emakume Erraldoia instalazioa prestatu dute Gasteizko Boulevard merkataritza gune aurreko orubean. Hamahiru kutxa erraldoik osatzen dute: burua, eztarria eta bihotza nolakoak diren ikus daiteke, baita ohitura txarrek nolako ondorioak dakarzkioten gorputzeko atal bakoitzari ere. Iraila arte izango da ikusgai.