'Goenkale'-k gala berezi bat grabatuko du gaur

TELEBISTA. 18. urtemuga ospatzeko, Goenkale telesailak gala bat grabatuko du gaur Miramonen, 21:00etan. Loreto Mauleon eta Joanes Passicot izango dira aurkezleak, eta aktoreak kantuan eta dantzan jarriko dituzte. Umore printzak izango dira, Iker Galartza, Itziar Urretabizkaia, Asier Oruesagasti, Xabier Perurena eta Joseba Garmendiaren eskutik. Halaber, bideoak eta elkarrizketak tartekatuko dituzte. Ekainaren amaieran emango dute ETBn.