GRABITATEAREN LEGEAREN GAINETIK

Hiru metroko altueran eta heldulekurik gabe azaldu zen Johan Lorbeer artista alemaniarra atzo Bilboko Alondegian. Edonork hankak lurrean izanda izan dezakeen jarrera lasaia hartu zuen. Arte ekintza honek badu trikimailu bat atzean, noski: hormari eusten dion eskua ez da benetakoa, Lorbeerri eusten dion arnesa ezkutatzen duen oinarria baizik. Lorbeerren arte ekintza honen bidez, Alondegian izango den umore antzerkiaren asteari ekin diote.