Hamaikak Bilboko manifestazioari buruzko saioa emango du gaur gauean

Hamaika telebistak ETAren agiriaren berri eman zuen ostegunean. Atzo, berriz, mahai ingurua egin zuten Gotzon Hermosilla, Asier Blas eta Iñaki Zarraoa solaskideekin; eztabaida hori eta Niko Morenori egindako elkarrizketa www.hamaika.tv webgunean ikus daitezke. Gaur, berriz, Gernikako Akordioaren sinatzaileek Bilbon deitutako manifestazioaren gaineko saioa emango du Hamaikak. Manifestazioko giroa jasoko dute kamerek eta Gernikako Akordioaren deitzaileen adierazpenak bilduko dituzte. 21:00etatik aurrera ikusi ahalko da Hamaika telebistan manifestazioaren inguruko programa. Ikusi ezin duenak aukera berri bat izango du igandean, ordu berean. Interneten ere ikusgai jarriko dute saioa. Astelehenean, berriz, Juanjo Agirrezabala EAko legebiltzarkidea elkarrizketatuko dute Bat eta Bat saioan.