Haur sahararrak Gernikako Batzar Etxean, bisitan

GERNIKA. Bizkaiko Batzar Nagusietako lehendakariak, Ana Madariagak, oporretan dauden Saharako haurrak hartu ditu Gernikako Batzar Etxean, eta Gernikako Arbolari ere bisita egin diote. Oporrak Bakean proiektuari esker, Aljeriako Tinduf herriko errefuxiatuen kanpamentuko haurrek udan etortzeko aukera dute. Beste irteera batzuk ere antolatu dizkiete, hala nola Guggenheim museora eta Athleticen garaikur gelara.