Historia eta ondasunak ezagutzeko ibilaldiak

BARAKALDO. Hiru ibilaldi antolatu ditu Barakaldoko Udalak, herriko historia eta ondasunak ezagutzeko helburuarekin. Azalpen historikoak emateaz gain, ingurumenari buruzko hainbat datu ere emango dituzte. Irailaren 11n, Laku Zaharra ezagutuko dute; irailaren 17an, Ramon Rubialen lorategi botanikoa; eta irailaren 25ean, Santa Ageda ingurua eta Larrazabalgo eskola zaharra bisitatuko dituzte. Herriko kultur ondasun aberatsak zabaltzeko eta historiaren sustraiak ezagutzeko abagunea izango dute.