Homosexual gutxiago AEBetako fikzioan

Moda kontua edo talde erlijioso eta politiko kontserbadoreen presioaren ondorioa ote den ez dago argi, baina Ameriketako Estatu Batuetako telebistan agertzen diren pertsonaia homosexualen kopuruak behera egin du aurten, ikerketa baten arabera.

GLAAD Difamazioaren Aurkako AEBetako Gay eta Lesbianen Elkarteak aztertu ditu kopuruak. 2011-12ko denboraldian prime time-n ematen dituzten telesailetan agertzen diren pertsonaietatik %2,9 dira homosexual, bisexual edo transexual. Iaz, %3,9 ziren.Fox kateak du pertsonaia homosexual gehien. Glee komedia da horretan lehena: %6,8. Telesail horri eta ABCren Modern Family saioari saria eman dio Glaadek aurten.