Fitxategiak partekatzeko on line zerbitzu bat da Hopper. Zerbitzu horrek oso era errazean fitxategiak, irudiak edo loturak partekatzeko aukera ematen du. Zerbitzua erabiltzeko, helbide honetara joan: http://gethopper.com. Izena eman beharrik gabe eta saioa hasi beharrik gabe, nahi diren irudiak edo fitxategiak arrastatu ahal dira webgunean horretarako prestatuta dagoen lekura, edo nahi den fitxategia kopiatzeko, Ctrl+C eta Ctrl+V egin daiteke webgunean bertan itsasteko.
Behin fitxategia sartuta, url edo Internet helbide publiko bat kopiatzeko aukera ematen du. Helbide horrekin, nahi duenak deskarga dezake fitxategia.
Izena ematea beharrezkoa ez bada ere, aplikazioan izena eman eta ondoren erabiltzaile gisa saioa has daiteke; horrela, sartutako fitxategiak edonondik ikusiko ditu erabiltzaileak.
Benetan webgune erraza da. Itxura aldetik ere oso atsegina da, eta kasu askotan erabilgarria ere bai. Beraz, merezi du tartetxo batean gainbegiratzea.
Hopper, oso webgune erraza fitxategiak partekatzeko
Iruzkinak
Ez dago iruzkinik
Ordenatu
