Igandean egingo dute Bidasoako BTT martxa

BERTIZ. Bidasoako IV. BTT martxa egingo dute igandean. Behobiatik hasita Bertizko Natur Parkeraino, ibilbideak 45 kilometro ditu. Familientzat ibilbide motzagoa prestatu dute, hamabi kilometrokoa, eta Sunbillatik aterako da. Ibilbidearen amaieran dutxa hartzeko eta bizikleta garbitzeko aukera izango dute parte hartzaileek. Izena aurretik eman behar da consorciobertiz.org webgunean, edo 948-59 23 23 zenbakira deituta.