Film laburren emanaldia egingo dute gaur Bilboko Fnac saltokian, Film Sozialak ekimenaren barruan. Hirugarren urtez jarraian antolatu dute Zinema Ikusezinaren Nazioarteko Jaialdiari lotutako emanaldia.
19:00etan hasita, lau film labur emango dituzte: Camas calientes (Espainia), La Hégira (Espainia-Maroko), Guardianes del agua (Venezuela) eta Deseos sobre rieles (Argentina). Lehenengo biek, gainera, azpidatzi bereziak izango dituzte gorrentzat.
Bozgorailurik ez dutenen errealitatea islatzea dute helburufilmok; hala nola baldintza kaskarretan bizi direnen, egungo gizartean baztertutakoen edo herrialde txiroetan bizi direnenegunerokotasuna erakusten dute.
Irailaren 6an hasi ziren film sozialen emanaldiok Fnac saltokian bertan, eta Bilboko Alondegian emango diote amaiera urriaren 4an, 20:00etan. Sari banaketa ere orduan egingo dute, 20:00etan.
Guztira, hemezortzi pelikula luze eta 44 labur emango dituzte. Fnac saltokia ez da film horiek eskainiko dituen bakarra: Barakaldoko Haladzipo Kultur Elkartean, Erandioko Tartanga institutuan, Bilboko Alondegian eta Golem Zinemetan ere ikusgai izango dira.
FILM SOZIALAK III
Non. Fnac saltokian (Bilbo).
Noiz. Gaur, 19:00etan.
Zer. Film laburren emanaldia: Camas Calientes, La Hégira, Guardianes del agua eta Deseos sobre rieles (20 min.).
Ikusezina dena erakutsi nahian
Martxan da Zinema Ikusezinaren Nazioarteko Jaialdiari lotutako Film Sozialak ekimena, Bilbon
Iruzkinak
Ez dago iruzkinik
Ordenatu
