Kaleetako musika, turistentzat telefonoan

TOLOSA. Turismo bulegoak Tolosa Musical ibilbidea sortu du. Helburua turistek, sakelakoaren bitartez, udaleko webgunean sartu, eta herriko kaleetako musika entzutea da. Tolosako orfeoiak, txistulariek, txarangek eta abarrek hartu dute parte. Musikaz gain, informazioa ere eskainiko da: abestien historia eta musikarien biografia, besteak beste.