Aste Nagusian, lehenengo aldiz, kontzertua antolatu zuten atzo Donostiako Bulebarrean. Oskorri izan zen Kanoikadaren ostean hiria festa giroan murgiltzearen arduraduna. Jende ugari bildu zen bertan: festarako gogoz, dantzariz bete zen Bulebarra.
Juan Ignazio Iztuetak (1767-1845) XIX. mende hasieran bildutako doinu eta dantza eraberrituek osatzen dute Oskorriren Dantza kontra dantza azken lana. Iztuetak, garaiko modek baztertutako kantu tradizionalak bildu zituen, eta Oskorrik berreskuratu eta moldatu egin ditu. CD eta DVDaz osatzen da lana, eta, musikaz gain, kantuen dantzak ikasteko jarraibideak erakusten ditu. Baztango Dantzariak taldearekin elkarlanean egin dute.
Kanoikadaren ostean, Oskorriren emanaldiak alaitu zuen Bulebarra
Iruzkinak
Ez dago iruzkinik
Ordenatu
