KOMUNIKAZIOA. BBCren aurrekontua %16 murriztu dute kontserbadoreek

II. Mundu Gerra amaitu zenetik, aurrekontu murrizketarik gogorrena ezarri dio Londresko Gobernuak BBC taldeari. Munduko hedabiderik handienak %16 gutxiago jasoko du. Gastu murrizketa orokorra aurkeztu zuen atzo Alderdi Kontserbadorearen esku dagoen gobernuak. Murrizketak, halere, BBCri eragingo dio bereziki, eta hedabidean garai gatazkatsua izaten ari diren unean etorri da.

Lizentzia dirua izoztuta

Telebista ikusteagatik Erresuma Batuko familiek urtero ordaintzen dute 170 euro inguru. Lizentzia hori ezingo du garestitu BBCk datozen lau urteetan, atzo aurkezturiko planari jarraiki. Horrez gain, orain arte, Atzerri ministerioak ordaintzen zuenBBCren mundu osorako World Service albiste katea. Aurrerantzean, taldeak berak egin beharko dio aurre horren kostuari eta galesezko S4C katearen finantzaketari. «Badirudi gobernuaren lan zikina egiten ari dela BBC», salatu zuen atzo Gerry Morrissey hedabideko sindikalistak.